Perlað páskaskraut

Byrjaðu á að prenta og klippa út sniðmátið

Strikaðu eftir sniðmátinu með blýanti á bút af felti. Gott er að nota felt í sama lit og útsaumsgarnið sem saumað er með.

Strengdu feltið í útsaumsramman og hafðu það eins strekkt og þú getur.

Nú er komið að því að skreyta feltið með perluútsaumi. Rektu sundur bút af útsaumsgarni í einstaka þræði. Bittu hnút á enda þráðarins og þræddu nálina. Perluútsaumurinn er gerður með því að stinga nálinni upp í gegnum feltið, þræða perlur og stinga síðan nálinni til baka gegnum feltið þar sem perlukeðjan á að enda. Hver keðja er síðan fest með sausporum eins og sýnt er í myndbandinu þanni að línan hafi það form sem ætlað er.

Byrjaðu á að sauma út laufið með dökkgrænum perlum. Hafðu tvær perlukeðjur vinstra megin og þrjár hægra megin. Hver perlukeðja samanstendur af u.þ.b. 30 til 40 perlum.

Þegar dökkgrænu laufin eru komin á sinn stað er stilkurinn festur fyrir miðju gerður úr ljósgrænum perlum með sömu aðferð og áður. Stilkurinn samanstendur af tveimur perlukeðjum, hvor um sig er gerðu úr 10-15 perlum.

Næst skaltu sauma út yfirfærsluna yfir í krónublöðin með silfurlitum perlum. Systurnar nota fjórar perlukeðjur með u.þ.b. 10-15 perlum í hverri keðju.

Nú er komið að krónublaðinu sem gert er úr ljósbláum perlum. Byrjaðu á útlínum blaðsins - u.þ.b. 80 perlur eru notaðar í hverja perlukeðju. Þegar útlínurnar hafa verið festar er komið að því að fylla inn í krónublaðiið með smám saman styttri keðjum þar til búið er að fylla alveg milli útlínanna.

Með sömu aðferð skaltu næst gera tvö krónublöð með bláum perlum í örlítið dekkri litatón og síðan þrjú minni krónublöðin efst. Fjöldi perla er mismunandi eftir því hvernig hinum perlunum hefur verið komið fyrir. "Prófið ykkur áfram og komist að því hvað virkar best," segir Anna og brosir. Þegar fyllt hefur verið út í öll krónublöðin skaltu gera þrjá frævla úr gulllitum perlum sem mynda efsta lagið fyrir ofan það sem komið er.

Nú er perluútsauminum lokið og má klippa út. "Reyndu að klippa eins nálægt perlunum og hægt er án þess að klíppa í tvinnan - annars gætu perlurnar losnað," leggur Clara til.

Næst skaltu klippa út annan bút af felti sem bakhluta skrautsins. Notaðu tilbúna perluútsauminn sem sniðmát og strikaðu eftir honum til að fá nákvæmlega eins bút. Saumaðu saman bútana tvo með fíngerðum overcast saumsporum, en skildu eftir nokkra sentimetra til að fylla með tróði áður en þú lokar alveg.

Að lokum skaltu festa á skrautið lykkju og hengja það á fallega grein í blómavasa. "Eða kannski festa nokkur skraut á snúru sem fánalengju," stingur Anna upp á.