Hrekkjavöku ber upp þann 31. október á hverju ári og hefur fest sig í sessi sem aðalhátíð haustsins. Hrekkjavakan markar lok sumars og upphaf hinna dimmu og köldu vetrarmánaða. Anna og Clara eru mikið fyrir að halda upp á Hrekkjavöku með litlu frændunum og frænkunum. "Hrekkjavakan er tími til að hleypa sköpunarkraftinum á skeið og tími til að skjóta hverju öðru skelk í bringu," útskýrir Anna og brosir breitt. Systurnar hafa safnað saman vænum lista af hugmyndum í von um að veita ykkur innblástur fyrir ljúfa (og hræðilega) hrekkjavöku með ykkar nánustu.
Meðan krakkarnir kæru fara um nágrennið að safna góðgæti er Anna heima tilbúin að færa öllum börnum sem banka upp á í húsi systranna gómsætt góðgæti. Hún hefur safnað saman alls kyns yndislegu góðgæti til handa börnunum kæru sem hafa klætt sig upp í kostulega búninga. Kennir þar ýmissa grasa, svo sem heimagerðra sleikibrjóstsykra og lítilla poka með sælgæti.
Anna nýtur þess líka að baka skelfilegar hrekkjavökukökur sem hún ber fram fyrir ástvini þeirra systra. "Það er auðvelt að útbúa hrekkjavökukökur skreyttar með graskerjum úr sykurmassa eða litlum köngulóm úr súkkulaði," segir Anna.
Þessir marensdraugar eru fullkomnar veitingar fyrir gesti sem ber að garð á hrekkjavöku. "Sameinar yndislega sætleika og örlíð ógnvekjandi andrúmsloft hátíðarinnar," segir Anna og brosir.
Sjá uppskrift hér
Hrekkjavaka er hátíð sem fagnað er víða um veröldina. Hún markar lok sumars með hefðum sem tengjast dauða og endurfæðingu. Orðið 'Halloween' er komið af heiti hinnar skosku 'All Hallow's Eve' hátíðar sem haldin er til að minnast látinna ættingja og vina. Það er útbreidd kenning að hrekkjavakan og hennar mörgu hefðir eigi rætur að rekja hinnar fornu keltnesku uppskeruhátíðar, Samhain, sem var haldin frá 31. október til 1. Nóvember á Írlandi, Skotlandi og eyjunni Mön.
Í dag snýst hrekkjavakan að mestu um að eiga tíma með sínum nánustu, skera út grasker, klæða sig upp í búninga og verða sér út um góðgæti. Það síðast nefnda aðallega sem hluti af því sem nefnt er 'Grikk eða gott?'
"Elsku Anna og Clara, sjáiði leðurblökuna mína," hrópar frændinn litli upp fullur eftirvæntingar þar sem hann hengir upp sköpunarverkið sitt á fallega trjágrein. "Og sjáið hve marga drauga við bjuggum til," bæta frænkurnar litlu við stoltar.
Frændanum finnst sem hann geti næstum heyrt litla drauginn segja "Bú" ef hann hlustar grannt. Anna og Clara geta ómögulega skorið úr um hvort það sé rétt hjá honum en eitt er þó víst, þeir koma svo sannarlega til með að líta frábærlega út á hrekkjavökunni!
Litlu frændunum og frænkunum finnst gaman að klæða sig upp í búninga þegar þau heimsækja systurnar, sérstaklega á hrekkjavökunni. "Leðurblökugrímuna er skemmtilegt að búa til og líka leika með þegar hún er tilbúin," segir Anna og brosir.
A couple of years ago, Anna transformed autumn leaves to decorative ghosts which she hung on branches in the house. You can easily follow in Anna’s footsteps and create your own lovely (and scary) Halloween decorations.
Ef þú vilt útbúa ævintýralegan graskerslampa þarftu eftirtalið:
Áður en þú hefst handa þarftu að finna hentugt grasker. Anna og Clara taka frændurna og frænkurnar með þegar graskerið er valið. "Að finna rétta graskerið er jafn mikilvægt og skemmtilegt og að skera út í það," finnst Önnu. Nú er hægt að hefjast handa við að hola að innan og skera út.
Frændinn og frænkurnar eiga það til að eyða öllum eftirmiðdeginum í þennan hluta verksins. Þess vegna gæta Anna og Clara þess að eiga heimabakaðar hrekkjavökukökur fyrir þau að njóta. Clara hefur við höndina nokkur sprittkerti til að setja inn í graskerin þegar þau eru tilbúin. "Sprittkertin gera það að verkum að graskerin virðast lifna við," útskýrir hún.
Það er hefð fyrir því á heimili Önnu og Clöru að skera út grasker fyrir hrekkjavöku og búa til skuggalega graskerslampa. "Að búa til lampa getur verið skemmtileg iðja fyrir alla fjölskylduna," segur Clara.
Sem viðbót við hinn sígilda graskerslampa hefur Anna líka búið til yndisleg hrekjavökugrasker úr skrautpappír. "Ímyndunaraflið eitt dregur mörkin," eins og Anna segir.
Sjáðu myndbandið
Frænkurnar eru sérlega hrifnar af að teikna andlit á litlar klementínur sem er til prýði ásamt því að vera ætar. Þær njóta þess líka að búa til skreytingar úr perlum fyrir hrekkjavökuna sem þær geta hengt upp hér og þar um húsið.
"Skreyingarnar á hrekkjavökunni leika stórt hlutverk í því að skapa andrúmsloft sem er í senn notalegt og skuggalegt," útskýrir Anna. Hún stingur líka upp á að hengja upp kúst yfir borðstofuborðið sem má svo skreyta með köngulóarvef og litlum köngulóm.
Anna er mikið fyrir að endurnýta efnivið og umbreyta honum í ný yndisleg verkefni. "Það er einfaldlega dásamlegt þegar hægt er að endurnýta hluti fyrir nýjan tilgang," segir hún.
Með fáeinum áhöldum hefur Anna búið til þessar ógnvekjandi og prýðilegu leðurblökur úr klósettpappírsrúllum. Hún bjó til sniðmát til að auðvelda þér verkefnið.
Prenta sniðmát
Stór þáttur hrekkjavökunnar er að klæða sig upp í tilkomumikla búninga áður en lagt er upp í 'Grikk eða gott' leiðangur. Mikil áhersla er oft lögð á dauða og alls konar skelfilega hluti á hrekkjavöku, en það þýðir ekki að þú verðir að dulbúast sem beinagrind, norn eða draugur. Þú getur allt eins klætt þig upp sem prinsessa, ofurhetja eða eitthvað síður skuggalegt.
"Leyfið börnunum að velja sína eigin búninga," mælir Anna með. Hún kýs að búa til búningana sjálf fyrir börnin sem standa henni næst. "Þegar maður gerir búningana sjálf er hægt að leyfa ímyndunaraflinu að flæða og bæta við alls kyns smáatriðum sem fullkomna hrekkjavökubúninginn," segir Anna.
Eftirlætis hrekkjavökuhefð frændans og frænkanna er að kæða sig upp í búninga og verða sér út um sælgæti með því að fara hús úr húsi og biðja um "grikk eða gott". "Þetta er yndisleg hefð jafnt fyrir börn sem fullorðna," segir Clara þar sem hún og Anna aðstoða frændann og frænkurnar við heimagerða hrekkjavökubúninga.
Anna bjó til fjörleg og skuggaleg box sem nota má sem hirslur fyrir það sælgæti sem safnast. "Leyfið börnunum að búa til sín eigin skrímsli úr notuðum pappakössum," mælir hún með.
Sjáðu hvernig þetta er gert hérTil að geyma eftirlætis vörur þarf maður að vera skráður inn.
