Páskaegg úr strauperlum og borða

Byrjið á að prenta út meðfylgjandi sniðmát.

Setjið sniðmátið á borðið og síðan perluplötuna ofan á. Setjið síðan strauperlurnar á sinn stað.

Þegar allar perlurnar eru komnar á sinn stað má setja bökunarpappír ofan á og strauja. Gætið þess að þrýsta ekki of fast eða halda straujárninu of lengi á sama stað, því það gæti orðið til þess að perlurnar bráðni um of svo götin lokist.

Þræðið nú borða af þeirri lengd og lit sem óskað er eftir á nál. Stingið nálina í gegnum miðjugatið neðst á egginu og dragið þar til jafn endarnir eru jafn langir. Þræðið enda borðans meðfram götunum umhverfis eggið þar til þeir mætast. „Alveg eins og sýnt er í myndbandinu,“ útskýrir Anna.

Þræðið síðan báða enda borðans í gegnum sömu perluna efst á egginu og búið til lykkju með því að hnýta hnút svo hægt sé að hengja eggið upp.

Þræðið nálina upp á nýtt með nýjum borða og stingið nálinni í gegnum perlurnar í miðju eggsins, eins og sýnt er í myndbandinu. Bindið fallega slaufu og páskaeggið er nú tilbúið til að prýða fallega vorgrein á heimilinu.