Prjónuð merínópeysa fyrir börn

Peysan er prjónuð ofan frá og niður, fram og til baka á hringprjóna. Útaukningar mynda mynstrið. Þeim er lýst hér að neðan. Hálsmál og stroff er prjónað með garðaprjóni. Ermarnar eru prjónaðar í hring með sokkaprjónum frá handvegi og niður. Peysan er með þremur smellum að framan. Útaukning (auk): Sleppið þremur lykkjum (l), setjið hægri prjón í plássið á milli þriðju og fjórðu lykkju og prjónið 1 l slétt (passið að þessi „nýja“ lykkja leki ekki fram af hægri prjóni), prjónið slétt (s) lykkjurnar þrjár sem þið slepptuð áðan = þið hafið aukið út 1 l (= 4 l).

Fytjið upp 78 (82) 90 l á hringprjóna nr. 2,5. Prjónið 5 umferðir (umf) fram og til baka á prjóninum (garðaprjón). Skiptið yfir í hringprjóna nr. 3. Umf 6 (rangan): s4, brugðið (b) að síðustu 4 l, s4. Umf 7 (réttan): s5, *auk 1 s1*, endurtakið frá * að * 17 (18) 20 sinnum, prjónið 2 saman (p2s), s4. Umf 8: Eins og umf 6. Umf 9: Allar l prjónaðar s. Umf 10: Eins og umf 6. Endurtakið umf 6-10 samtals 8 (9) 10 sinnum, aukið er út um 1 l í hverri útaukningu. Fjöldi lykkja á milli útaukninga á að passa við hversu oft umf 7 hefur verið prjónuð, þ.e. 1 l á milli fyrstu auk, 2 á milli seinni auk, 3 á milli þriðju auk o.s.frv. Passið að auk séu samhliða (hver ofan á annarri). Nú eru 214 (244) 280 l á prjónunum.

Prjónið nú framhlið og bakhlið. Á meðan eru ermalykkjur geymdar á prjónunum eða á lykkjunælu. Prjónið s36 (40) 46 (vinstri framhlið), geymið 37 (40) 46 l (vinstri ermi), fitjið upp 6 (6) 6 l, s68 (84) 96 (bak), geymið 37 (40) 46 l (hægri ermi), fitjið upp 6 (6) 6 l, s36 (40) 46 (hægri framhlið). Prjónið nú allar umf svona: Allar l s á réttunni og á röngunni eins og umf 6 þar til peysan mælist 22 (25) 28 cm frá hálsmáli að aftan. Skiptið yfir á prjóna númer 2,5 og prjónið 6 umf af garðaprjóni. Fellið af. Prjónið nú allar umf á réttunni: Allar lykkjur s. Allar umf á röngunni: eins og umf 6 þar til peysan mælist 11 (12) 14 cm frá hálsmáli. Passið að síðasta umf sé á röngunni.

Ermar: Notið sokkaprjóna. Takið upp síðustu 3 l í handvegi, prjónið s 37 (40) 46 ermalykkjur og takið svo upp fyrri 3 l í handvegi. Setjið prjónamerki (pm) við upphaf umf. Prjónið allar umf s þar til ermin mælist 10 (12) 14 cm. Úrtaka fyrir ermi: p2s 4 (7) 10 sinnum jafnt yfir umf. Skiptið yfir á sokkaprjóna númer 2,5 og prjónið 6 umf: Umf 1, 3 og 5: Prjónið allar lykkjur s. Umf 2, 4 og 6: Prjónið allar lykkjur b. Fellið af á réttunni.

Gangið frá endum. Saumið þrjár smellur framan á peysuna, dreifið jafnt úr þeim og hafið þær í línu við mynstrið.