Þríhyrndur klútur

Klúturinn er prjónaður með línprjóni (e. linen stitch) á prjóna númer 7 með 1 þræði af ullargarni eða ullar- og bambus garni og 1 þræði af mohairgarni. Aukið er út um fjórar lykkjur í annarri hverri umferð.

Línprjón: Fytjið upp 5 lykkjur (l). Umferð (umf) 1 (Rangan, R): Takið eina lykkju óprjónaða (Ó) á brugðinn hátt, prjónið brugðið (B) 4 l. Umf 2 (Réttan, Ré): 1Ó á sléttan hátt, sláið upp á prjóninn (sl. upp), prjónið slétt (S) 1, sl. upp, S1 (miðjulykkja), sl. upp öfugt, S1, sl. upp öfugt, S1 Umf 3: Ó1 á brugðinn hátt, B8. Umf 4: Ó1 á sléttan hátt, sl. upp, S1, færið garnið fram fyrir (fæ.g.fr.), Ó1, S1, sl. upp, S1 (miðjulykkja), sl. upp öfugt, S1, fæ.g.fr. Ó1, S1, sl. upp öfugt, S1. Umf 5: Ó1 á brugðinn hátt, B12. Umf 6: Ó1 á sléttan hátt, sl. upp, S1, fæ.g.fr., Ó1, S1, fæ.g.fr., Ó1, S1, sl. upp, S1 (miðjulykkja), sl. upp öfugt, S1, fæ.g.fr., Ó1, S1, fæ.g.fr., Ó1, S1, sl. upp öfut, S1.

Endurtakið umf. 5 og 6 áfram. Lykkjunum fjölgar um fjórar í hverri umferð á réttunni. Prjónið þar til klúturinn er orðinn ákjósanlega stór.

Til þess að komast hjá því að kanturinn rúllist skal fella af þrefalt á eftirfarandi máta: Prjónið 1 lykkju, síðan – frá brugðnu hliðinni – notið hægri prjóninn til að flytja lykkjuna sem er í 3. röð fyrir neðan yfir á vinstri prjóninn. Prjónið þessa lykkju með næstu lykkju á vinstri prjóninum, lyftið lykkjunni á hægri prjóninum yfir þessa lykkju. Haldið áfram þar til allar lykkjur hafa verið felldar af. Gangið frá endum og pressið klútinn.