Gerðu kalaha-spil úr gersemum náttúrunnar

Hægt er að byrja á því að lita efnið með túrmeriki ef þú vilt hafa spilið í hlýjum lit. Fylgdu leiðbeiningum systranna um hvernig á að lita silkiklút sem þú finnur á heimasíðu þeirra ef þú kýst að lita spilið.

Byrjið á því að brjóta efnið saman í miðjunni svo það liggi tvöfalt. Prentið svo sniðmátið og teiknið spilaborðið og útsaumsmynstrið á efnið með uppleysanlegum efnispenna. Það gæti verið hentugt að nota LED-teiknibretti.

Málið spilaborðið með fínlegum pensli og akrýlmálningu. Passið að mála ekki svæðin sem á að sauma í á eftir. Leyfið málningunni að þorna.

Saumið blómið í miðjuna. Hægt er að móta laufin með pensli til að gefa þeim smá dýpt. Saumið krónublöðin með satínspori og miðjuna með frönskum hnútum. Það er líka hægt að sauma út eigin hönnun eins og nafn fjölskyldumeðlims eða önnur persónuleg smáatriði. Til þess að einfalda ferlið er líka hægt að mála hönnunina beint á með akrýlmálningu eða pennum. „Þegar þú notar ímyndunaraflið geta minnstu föndurverkefni orðið alveg einstök,“ segir Anna.

Þegar búið er að sauma út skal strauja efnið aðeins til að fjarlægja línur pennans og til að tryggja að efnið sé slétt.

Klippið tvö macramé-snæri, hvort um 60 cm. langt. Þau verða notuð síðar til að loka leiknum. Brjótið hvort snærið í tvennt.

Leggið snærin samhliða sex litlu götunum í spilinu eins og sýnt er í myndbandinu. Festið þau með klemmum eða títuprjónum við kantinn. Brjótið svo efnið þannig að mynstrið snúi inn á við.

Saumið nú hliðarnar saman til að búa til poka til að geyma spilið. Saumið fyrst stuttuhliðina og svo löngu með saumavél. Saumið kantana með zigzag-spori til að ganga snyrtilega frá öllu.

Snúið efninu við svo að réttan snúi fram.

Hægt er að fara á veiðar í garðinum eða úti í náttúrunni til að finna peð til að nota í spilinu. Það gætu verið litlir steinar, skeljar eða brot af sjávargleri. Peðin þurfa að vera lítil (u.þ.b. 1-1.5 cm) og mega ekki vera holótt. Þið þurfið samtals 72 peð.

Það er líka hægt að nota sjálfharðnandi leir. Rúllið litlar kúlur og bleytið upp í þeim með vatni til að móta peðin.

Leyfið peðunum að þorna í u.þ.b. einn sólarhring. Svo er hægt að skreyta þau með litlum myndum, stöfum eða litum eftir eigin höfði. Hægt er að lakka yfir þau svo þau endist lengur.

Fyllið pokann með peðunum. Nú er spilið tilbúið og hægt að rúlla því upp og binda með litlum slaufum.

Spilið er nú tilbúið. Systurnar fylgja einföldum reglum þegar þær spila kalaha: Hver leikmaður stjórnar sex litlum gryfjum á sinni hlið, sem og stóru gryfjunni – „húsinu“ – til hægri við sig. Í upphafi leiksins skal setja 6 peð í hverja gryfju. Leikmaður tekur öll peðin úr einni gryfju á sinni hlið og dreifir í næstu gryfjur, eitt af öðru, en setur þau aldrei í hús andstæðingsins. Ef síðasta peðið lendir í þínu eigin húsi, gerir þú aftur. Ef það lendir í gryfju sem er nú þegar peð í, tekur þú þau upp og heldur áfram. Ef það lendir í tómri gryfju á hinn leikmaðurinn að gera. Leiknum lýkur þegar önnur hliðin er tóm. Öll peð sem eftir eru fara til hins leikmannsins. Sigurvegarinn er sá sem á flest peð í húsi sínu. „Úrslitin skipta ekki öllu málli, samveran er stærsta gjöfin,“ segir Clara.