Sköpun með börnum
Sköpun með börnum
Lyklakippa með dúskum
Mjúkt garn og smá þolinmæði getur vakið sköpunargáfuna úr dvala. Njótið þess að föndra með börnunum og búið til fallegt og litríkt dúskablóm sem prýtt getur bakpoka eða skólatösku. Kannski er sniðugt að nota afgangsgarn í dúskana? „Flottustu hlutirnir verða oft til úr því sem við eigum nú þegar inni í skáp,“ segir Anna með bros á vör.
Byrjið á því að vefja garni um dúskatólið og lokið svo hringnum. Gerið einn dúsk í einum lit til að hafa í miðju blómsins en það er fallegt að nota tvo eða fleiri liti í hina dúskana sem verða að krónublöðunum.
Klippið garnið allan hringinn þegar dúskurinn hefur náð góðri þykkt og bindið svo garn fast um miðjuna til að festa dúskinn. Fjarlægið hann varlega úr dúskatólinu.
Klippið dúskinn svo hann verði jafn og kringlóttur. Endurtakið ferlið þar til komnir eru sjö dúskar í heildina: ein miðja og sex krónublöð.
Setjið saman blómið næst. Þræðið nál með garni og bindið hnút á endann. Stingið nálinni í gegnum miðju dúskanna sex svo þeir séu allir í röð.
Setjið dúskana í hring og bindið til að festa þá saman. Notið garnið sem eftir er til að festa miðjuna við blómið með því að sauma síðasta dúskinn við hringinn.
Þræðið nálina með borða og stingið í gegnum blómið. Munið að setja lyklakippuhring á borðann áður en hann er bundinn saman, þá er hægt að festa blómið við töskur og annað. „Svona litlu blómi fylgir dýrmæt gleði og litadýrð,“ segir Clara.
-
Ullargarn
-
Dúskatól
-
Skæri
-
Nál
-
Borði
-
Lyklakippa
