Dúkaklemma með lóði fyrir garðborð

Byrjið á að safna 4-6 steinum af viðeigandi stærð og þyngd. Látið stærð borðsins ráða því hversu marga steina þið þurfið.

Klippa þarf sex 50 cm langa búta af garni fyrir hvern stein. Safnið garninu saman, festið klemmu í miðjuna og bindið hnút utan um klemmuna eins og sýnt er í myndbandinu. Byrjað er að vefja garninu utan um steininn út frá þessum hnút.

Safnið nú 12 garnendum saman í pörum og hnýtið sex nýja hnúta mjög nálægt stærsta aðalhnútnum.

Haldið áfram að binda garnendana saman tvo og tvo allan hringinn. Gætið þess að para saman garnenda sem koma úr tveimur mismunandi „pörum“ þannig að tígullaga mynstur myndist.

Endurtakið ferlið nokkrum sinnum og setjið síðan stein í miðjuna til að meta þéttleika hnútanna og mæla lengdina. Þegar þið eruð komin fram hjá breiðasta punkti steinsins getið þið byrjað að herða hnútana í kringum steininn.

Þegar steinninn er alveg þakinn garni, takið garnið saman í einn stóran hnút. Klippið garnið í þeirri lengd sem hentar.

Endurtakið ferlið með hinum steinunum þar til þið eruð komin með að minnsta kosti fjóra steina. Festið steinana við hvert horn dúksins með klemmunum. „Nú er engin hætta á að dúkurinn fari á flug í mildri sumargolu,“ segir Clara.