Töfrandi skraut á jólatré

Fæst í nokkrum útfærslum

2020 05 20 Frontpage Sostrene Grene Play Blanket Asymmetrical Image V1

"Jólin eru ekki jólin nema það sé fagurlega skreytt jólatré," segja systurnar. Jólin eru eftirlætis hátíð Önnu og Clöru og þær eru sérlega hrifnar af þeirri hefð að skreyta jólatréð við undirleik dásamlegrar jólatónlistar. Systrunum finnst gott að taka fram jólaskrautið og hefja skreytingu jólatrésins í fyrri hluta desember svo þær geti notið þess að lita glitrandi tréð í sem flesta daga. Vilt þú dálítinn innblástur fyrir jólatré þessa árs eða skapandi hugmyndir að heimagerðu jólaskrauti? Systurnar kynna fjölda dásamlega töfrandi hugmynda fyrir jólatré ársins.

Søstrene Grene - Find inspiration, nearest stores and much more | Søstrene Grene

Handgert jólaskraut

Jólaskraut úr flókaefni

Það eru engar strangar reglur um hvernig á að skreyta jólatré. Með felti, perlum og útsaumsgarni er leikur einn að búa til töfrandi og áferðarfagurt jólaskraut í þínum eftirlætis litum.

Finndu sniðmát

Smávinir fagrir

Skondnir fuglar

Clara hengir á jólatréð nokkra ómótstæðilega og sérlega mjúka fugla sem Anna bjó til fyrir nokkrum árum. "Heimagert skraut á jólatré ber með sér alveg sérstakan galdur," segir hún.

Finndu sniðmát

Kynstrin öll af jólaskrauti

"Látið jólatré þessa árs skína skært," segir Anna þar sem hún velur af kostgæfni upp úr kassa dýrgripi á jólatréð. Eitt af því dýrmætasta sem systurnar hafa í handraðanum er dásamlegt safn jólaskrauts og skreytinga. Þær njóta þess að skreyta tréð mað alls konar mismunandi skrauti, allt frá jólakúlum og skondnu skrauti til hinna fegurstu heimagerðu sköpunarverka. Í ár hafa þær ákveðið að skreyta tréð í mörgum litum og sækjast eftir hefðbundnu yfirbragði. "En það má líka fara út í litaþema, " leggur Anna til. Í safni systranna af jólatrésskrauti má finna kynstur af yndislegu jólaskrauti í öllum mögulegum litum og formum. "Það er eitthvað fyrir sérhvern smekk og tré," segir Clara.

Heimagert skraut á tré

Ef þú ert skapandi sál eins og Anna gæti verið að þú viljir búa til þitt eigið skraut á jólatréð. "Það er óendanleg skemmtun," segir hún brosandi. Þú gætir til dæmis skreytt einfaldar einlitar jólakúlur með glimmeri, glerperlum eða sanseruðum pennum. "Það er auðveld og yndisleg leið til að skapa þitt eigið persónulega jólaskraut á tréð," segir Anna. Meðal föndurverkefna systranna eru kynstur af skapandi hugmyndum fyrir skraut á jólatré úr efnivið svo sem felti, garni, leir og pappa.

Persónulegt jólaskraut

Endurnýttu pappakassa

Áttu pappakassa sem þú ætlar hvort sem er að henda? Anna stingur upp á að umbreyta pappanum í nútímalegt jólaskraut og nýta til þess garn, málningu og perlur.

Sjáðu myndbandið

Mynstur og litir

Leikur með leir

Fyrir síðustu jól bjó Anna til þetta heillandi jólaskraut úr polymer leir. "Þessar yndislegu fígúrur má líka nota til að skreyta með jólagjafirnar," segir hún.

Sjáðu myndbandið

Heklað skraut á jólatré

Að hekla er dásamleg iðja ef þú spyrð Önnu. Í aðdraganda jóla situr hún oft á kvöldin og heklar prýðilegt skraut á jólatré. "Hekluð sköpunarverk kalla fram hinn sanna jólaanda," segir hún og brosir kankvís. Í áranna rás hefur hún heklað jólaskraut í alls kyns litum og formum og ár hvert er það hengt á jólatréð innan um annað litríkt jólaskraut systranna. "Þú gætir prófað að blanda saman mismunandi efnivið þegar þú skreytir jólatréð," segir Clara þar sem hún hengir upp heklað skraut við hlið glitrandi glerkúlu.

Heklað jólaskraut

Trommusláttur jólanna

"Jólatrommur sóma sér vel á hvaða jólatré sem er," segir Clara. Anna hefur heklað þessar aðdáunarverðu trommur úr rauðu og ljósbláu garni, en þú getur valið nákvæmlega þá liti sem þér líka.

Finndu uppskriftina

Mjúkar og einfaldar

Smáar jólastjörnur

"Jólastjarnan tilheyrir ekki aðeins toppi jólatrésins," segir Anna og brosir. Hún var að hekla þessar krúttlegu litlu stjörnur til að hengja ýmist á jólatréð eða nokkrar greinar í blómavasa.

Finndu uppskriftina

Skapandi jól fyrir allan aldur

Nútímalegar jólakúlur

Jólakúlur finnast af öllum stærðum, formum og litum ef þú spyrð Önnu og Clöru. Anna huldi þessi form með bylgjupappír.

Leiðbeiningar

Sígild kramarhús

"Jólasælgæti í pokana bæti, öllum til mikillar kæti" rímar Anna gáskafull meðan hún fyllir heimagerð kramarhúsin af góðgæti.

Leiðbeiningar

Heillandi englar

Systurnar ljóma þegar þær hengja upp undursamlega engla fyrir hátíðirnar. "Þokkafullir englar eru mjög jólalegir," eins og Clara segir.

Leiðbeiningar

Dálítil jólatré

"Skreyttu jólatréð með litlum jólatrjám," segir Anna kankvís. Allt sem þarf til að útbúa /etta heillandi jólaskraut er smá af felti og dálitið garn.

Leiðbeiningar

Snotrar jólakúlur úr pappamassa

„Búðu til þitt eigið jólatréskraut,“ leggur Anna til. Pappamassakúlurnar má skreyta á persónulegan hátt með föndurlími og papparæmum eða servíettum.

Leiðbeiningar

Hvers vegna skreytum við jólatré?

Í þúsundir ára hefur mannfólkið notað plöntur og tré til að skreyta híbýli sín en engin veit með vissu hvenær sú hefð að hafa jólatré hófst. "Jólatré eins og tíðkast í dag rekja upphaf sitt til vesturhluta Þýskalands," útskýrir Clara. Í leiksýningu einni á miðöldum þar sem umfjöllunarefnið var sagan af Adam og Evu var grenitré skreytt eplum látið tákna lífsins tré. "Þetta var miðpunktur leikmyndarinnar," útskýrir Clara. Um líkt leyti hóf fólk í Þýskalandi að setja upp slík tré heima hjá sér um jól, en í stað epla skreyttu þau tréð með vöfflum. Síðar meir var vöfflunum skipt út fyrir smákökur af mismunandi lögun og kertaljósum bætt við til að tákna Krist sem ljós heimsins.